Архангай аймгийн иргэдэд орчин үеийн шинэ дэвшилтэт технологи, үйлчилгээний стандартад нийцсэн ээлтэй, чанартай тусламж үйлчилгээг үзүүлэх боломжийг бүрдүүлсэн “300 ОРТОЙ НЭГДСЭН ЭМНЭЛГИЙН БАРИЛГА”-ын нээлтийг 2024 оны 05 дугаар сарын 27-ны өдөр хийлээ.

Нээлтийн арга хэмжээнд УИХ-ын гишүүн, Монгол улсын Засгийн газрын гишүүн ЭМ-ийн сайд С.Чинзориг, УИХ-ын гишүүн Ё.Баатарбилэг, ЭМЯ-ны төлөөлөл, Аймгийн Хурлын дарга Б.Батжаргал, Засаг дарга Б.Цэрэннадмид, ЭМГын дарга, Анагаах ухааны доктор Р.Гандиймаа, НЭ-ийн дарга Б.Амгалан болон НЭ, ЗӨСТ, Сум, өрхийн эрүүл мэндийн төв, хувийн хэвшлийн эмнэлгүүдийн төлөөллүүд өргөн оролцлоо.

Аймгийн нэгдсэн эмнэлгийн удирдлага 300 ортой шинэ эмнэлгийн барилгыг барих санал санаачлагыг гаргасан УИХ-ын гишүүн Ё.Баатарбилэг болон тойргийн их хурлын гишүүд, Санхүүгийн эх үүсвэрийг шийдвэрлэсэн захиалагч байгууллага ЭМЯам болон ЭМСайд С.Чинзориг, барилгын гүйцэтгэлийг хугацаанд нь чанартай хийж хүлээлгэж өгсөн Гурван тамир ХХК-ны захирал Ж.Нэргүй нарт “Талархал” гардуулав.

Нээлтийн үеэр УИХ-ын гишүүн Засгийн газрын гишүүн ЭМ-ийн сайд С.Чинзориг аймгийн Нэгдсэн эмнэлэгт 30 компьютер, 90 таблет, аймгийн Засаг дарга Б.Цэрэннадмид 20 сая төгрөгний үнэ бүхий цэвэрлэгээний багажийг тус тус гардуулан амжилт хүслээ.