Архангай аймгийн

Батцэнгэл сумын эрүүл мэндийн төвийн хамт олонд Соvid-19-ын урьдчилан сэргийлэлт, бэлэн байдал, эмнэлзүйн менежмент сургалтыг сургагч багш нартайгаа амжилттай хийлээ.

Өгийнуур сумын Эрүүл мэндийн төвд Японы өвсний үндэс хөтөлбөрийн дэмжлэгээр 380.0 сая төг-ийн төсөвт өртөг бүхий эмнэлгийн үндсэн барилгын их засвар, өргөтгөлийн ажил амжилттай хийгдэж байна. Засварын ажлын явцтай Өгийнуур сумын Засаг дарга С.Базаррагчаа, ЭМТөвийн эрхлэгч Д.Галбадрах, гүйцэтгэгч Түмэнширээт ХХК-ын удирдлагын багийн гишүүн М.Батболд нарыг байлцуулан газар дээр нь танилцлаа. Цар тахлын нөхцөлд эмнэлгийн бэлэн байдал чухал байгаа энэ цаг дор тус Барилгын засварыг 8-р сард дуусгахаар гүйцэтгэгчид шуурхайлан ажиллаж байна.

Короновирүсийн халдварын урьдчилан сэргийлэлт, хяналт, эмнэлзүйн менежмент сургалтыг Өгийнуур сумын Эрүүл мэндийн төвийн нийт эмч эмнэлгийн мэргэжилтэн, дайчлагдан ажиллах нөөц бие бүрэлдэхүүнд хийж, зөвлөмж өгч ажиллаа. Цар тахалд бэлэн байхад мэдлэг, ур чадвар, байнгын дадал, зөв хандлага, хамтын оролцоо хамгийн чухал юм.

Архангай аймгийн Жаргалант сумын ЭМТөвийн хамт олонд Koронавирүст халдвар (covid-19)-ын сэргийлэлт, хяналт ба эмнэлзүйн менежмент сургалтыг ЭМГ-ын сургагч багш нар маань амжилттай хийлээ. Сургалтын сацуугаар бэлэн байдлын үнэлгээ хийж зөвлөмж зааварчилгааг орон нутгийн удирдлага, эмнэлгийн мэргэжилтнүүдэд газар дээр нь өглөө.

2020 оны 06 сарын 11-12-ны өдрийн хооронд “Коронавируст халдварын сэргийлэлт хяналт эмнэлзүйн менежмент” сургагч багш бэлтгэх сургалт аймгийн Эрүүл мэндийн газар боллоо.

Kоронавируст халдвар (COVID-19)-ын цар тахлаас урьдчилан сэргийлэх, тэмцэх ажлыг эрчимжүүлэх зорилгоор “Амны хаалтаа зүүцгээе” аяныг улсын Онцгой комиссоос улс орон даяар эхлүүлээд байна.