АРХАНГАЙ АЙМГИЙН ЧУЛУУТ СУМАНД “ЭРЭГТЭЙЧҮҮДИЙН ӨДӨРЛӨГ” ЗОХИОН БАЙГУУЛЛАА
Эрэгтэйчүүдийн эрүүл мэндийн асуудал бол Архангай аймагт төдийгүй улсын хэмжээнд зайлшгүй анхаарах шаардлагатай асуудлуудын нэг болоод байгаа билээ.
Монгол улсын эрчүүдийн дундаж наслалт 64.9, эмэгтэйчүүдийнх 74.3 байдаг. Дундаж наслалтын зөрүү 9.4 жил байгаа нь д
элхийн дундаж үзүүлэлтээс даруй 2.5 дахин их үзүүлэлт юм. Нийт нас баралтын 61.1%-ийг эрчүүд эзэлдэг.
элхийн дундаж үзүүлэлтээс даруй 2.5 дахин их үзүүлэлт юм. Нийт нас баралтын 61.1%-ийг эрчүүд эзэлдэг.
Эрчүүдийн нас баралтын тэргүүлэх 3 шалтгаан:
Зүрх судасны тогтолцооны өвчин
Хавдар,
Осол гэмтэл буюу гаднын нөлөөлөл байдаг.
Амьдралын буруу хэмнэл, хорт зуршил, анхаарал хайхрамжгүй байдал зэрэг нь эрүүл мэнд, амь насанд хохирол учруулах эрсдэлт хүчин зүйлс болсоор байна.
Эрэгтэйчүүдийн хувьд эдгээр асуудлуудад зохих ёсны анхаарал хандуулдаггүй улмаас дээрх үр дагавар бий болох үндсэн шалтгаан болж байна. Биеийн болон сэтгэцийн эрүүл мэндийг хадгалахад өөрт анхаарал халамж тавихаас гадна мэргэжлийн эмч, эмнэлгийн байгууллагад тогтмол хандаж үзлэг шинжилгээнд хамрагдаж байх шаардлагатай.
Архангай аймгийн Эрүүл мэндийн газраас “Эрэгтэйчүүдийн эрүүл мэндийг дэмжих, эрт илрүүлэг шинжилгээнд хамрагдалтыг нэмэгдүүлэх” цогц арга хэмжээг 2022 онд хэрэгжүүлж байна.
Тус арга хэмжээний хүрээнд Чулуут суманд 2022 оны 12 сарын 12-нд “Эрэгтэйчүүдийн ЭМ-ийн өдөрлөг”-ийг аймгийн НЭ, тус сумын ЗДТГ, ЭМТ, ЕБС-тай хамтран зохион байгууллаа.
Өдөрлөгт 100 гаруй эрэгтэй төрийн албан хаагчид, малчид оролцсон ба өдөрлөгт хүрэлцэн ирсэн эрэгтэйчүүдийг эрүүл мэндийн сургалтанд хамруулан эрэгтэйчүүдийн эмчийн үзлэгт хамруулсан.
Чулуут суманд болсон өдөрлөгийг аймгийн ЭМГ-ын НЭМ-ийн хэлтсийн мэргэжилтнүүд, “Ирээдүйн босго өсвөр үеийн төв”-ийн эмч, мэргэжилтнүүд болон аймгийн НЭ-ийн эрэгтэйчүүдийн эмч сумын ЭМТ-ын эмч, мэргэжилтнүүдтэй хамтран зохион байгуулан орон нутгийн эрэгтэйчүүдийн эрүүл мэндийн мэдлэгийг дээшлүүлсэн.
Аймгийн Эрүүл мэндийн газраас “Эрэгтэйчүүдийн ЭМ-ийн өдөрлөг”-ийг анх удаа хөдөөгийн суманд зохион байгуулсан бөгөөд цаашид тус өдөрлөгийг өргөжүүлэн бусад сумуудад зохион байгуулахаар төлөвлөөд байна.
