📌ОЛОН НИЙТЭД ТҮШИГЛЭСЭН “НЯЛХ, БАГА НАСНЫ ХҮҮХДИЙН ХООЛЛОЛТЫН ЗӨВЛӨГӨӨ” ОРОН НУТГИЙН ЗӨВЛӨГЧ БЭЛТГЭХ СУРГАЛТЫГ ЗОХИОН БАЙГУУЛЛАА.
Нэгдсэн үндэсний байгууллагын Хүүхдийн сангийн санхүүгийн дэмжлэгээр 2024 оны 09 сарын 23-27-ны өдрүүдэд сум өрхийн эрүүл мэндийн төвүүдийн нийгмийн эрүүл мэндийн ажилтан, эх баригч эмч, багийн эмч нар нийт 48 эмч, эмнэлгийн мэргэжилтэнг нялх, бага насны хүүхдийн хооллолтын зөвлөгөө өгөх ур чадварыг нэмэгдүүлэх, орон нутгийн зөвлөгч бэлтгэх 5 хоногийн сургалтад хамруулж, эхийн сүүгээр хооллохын ач холбогдол, ангир уургийн ач холбогдол нэмэгдэл хоол, хооллолтын бэрхшээл, өвчтэй хүүхдийн хоол зэрэг олон төрлийн мэдээлэл өгч, хүн бүрийн оролцоог хангасан үр дүнтэй сургалтыг зохион байгууллаа.
Сургалтын сургагч багшаар Нийгмийн эрүүл мэндийн үндэсний төвийн Хоол судлал, хүнсний аюулгүй байдлын албаны зөвлөх Ж.Батжаргал, ЭМГ-ын Хоол тэжээл, хүнсний аюулгүй байдал хариуцсан мэргэжилтэн Б.Тунгалагтуяа нар ажиллаа.
Бидний ажлыг дэмжиж сургалт зохион байгуулах санхүүгийн дэмжлэгийг үзүүлсэн НҮБ-ын Хүүхдийн сангийн хамт олон, сургалтын материал гарын авлагаар хангасан НЭМҮТ-ын хамт олонд албан ёсны талархал илэрхийлье. Эхийн сүүгээр хооллолтод эмч, эмнэлгийн ажилчдын өгөх зөвлөгөө, мэдээлэл дэмжлэг туслалцаа чухал учраас нялх, бага насны хүүхдийн хооллолтын талаар зөвлөгөө өгөх чадамжтай эрүүл мэндийн байгууллагын ажилчдын тоог нэмэгдүүлэх нь чухал юм. Хүүхдийг эхийн сүүгээр хооллоход нярайн эндэх тохиолдлыг 33 хувиар, эх хөхний хавдраар өвдөх эрсдэлийг жил бүр 6 хувиар бууруулах ба хөхний хавдраас шалтгаалсан 20 000 нас баралтаас сэргийлнэ. Мөн нэг жилд дэлхийн эдийн засгийг 300 тэрбум доллараар хэмнэнэ гэсэн тооцоог ДЭМБ-аас гаргасан байна.
