📣 УРИАЛГА
Хоол үйлдвэрлэл үйлчилгээнд аяга таваг угаагч, ариутгагч автомат төхөөрөмж хэрэглэж хэвшсэнээр ходоодны хорт хавдрыг үүсгэгч хеликобактерийн ( H.Pylori) халдвараас ~99% хувь сэргийлж чадна.
Аймгийн хэмжээнд 2025 оны байдлаар эрүүл мэндийн байгууллагад шинээр 185 хавдрын шинэ тохиолдол бүртгэдсэнээс 24.8 хувь нь хоол боловсруулах замын эрхтэн тогтолцооны хавдар үүнээс 10.8 хувь нь ходоодны хорт хавдар эзэлж байна.
Ходоодны үрэвсэл, улайлт, шархлаа, ходоодны хавдрыг үүсгэгч хеликобактерийн ( H.Pylori) халдвар нь ахуйн замаар халдварладаг тул орон нутгийн хэмжээнд дээрх тархалтыг бууруулах зорилгоор боловсролын сургалтын болон эрүүл мэндийн байгууллагууд, нийтийн хоол үйлдвэрлэлийн чиглэлээр үйл ажиллагаа явуулж буй иргэн, аж ахуйн нэгжүүдийг аяга, таваг угааж ариутгах автомат төхөөрөмж хэрэглэж хэвшихийг уриалж байна.