7033237970332973

Хүүхдийг халдвараас сэргийлье!!

Манай улсад одоогийн байдлаар коронавируст халдвар (КОВИД-19)-аар өвчилж буй 3 хүн тутмын 1 нь хүүхэд байна. Цаашид хүүхдийн өвчлөл нэмэгдэх хандлагатай байна.

Хүүхдийг халдвараас сэргийлье!!

- Хүүхдийн хоолойг сод, давсны уусмалаар
ээлжлэн зайлуулах
- 1-1.5 метр зай барих
- Гарыг сайтар савандаж угаах

previous arrowprevious arrow
next arrownext arrow
Slider

НЭГДСЭН ЭМНЭЛГИЙН АМБУЛАТОРИЙН ХЭСГИЙГ БҮРЭН ЧӨЛӨӨЛЖ, ТУСГАЙ ЭМНЭЛЭГ БАЙГУУЛАВ

АОК:

Аймгийн Онцгой Комиссийн дарга Д.Золжаргал, Шуурхай штабын дарга В.Мөнхбат, Аймгийн Онцгой байдлын газрын дарга, хурандаа Д.Эрдэнэбаатар нар Нэгдсэн эмнэлгийн хоёр давхарын Амбулоторийн хэсгийг бүрэн чөлөөлж шинээр байгуулагдсан тусгай эмнэлгийн бэлэн байдлын зэрэгтэй танилцлаа.
Нөхцөл байдлаас хамааран яаралтай бэлэн байдлыг хангах үүднээс Ковидын тусгай эмнэлэг байгуулж, эрүүл эмнэлгийн бүсийг нүүлгэн шилжүүллээ. Энэ удаа аймгийн Нэгдсэн эмнэлгийн хоёр давхарт байрлах Захиргаа, удирдлагын хэлтэс болон Амбулаторийн тасгийг Эрүүл мэндийн газрын байрлуу шилжүүлж, 64 ортой тусгай эмнэлэг байгуулан өвчтөн хүлээн авахад бэлэн болгоод байна. Ташрамд, 64 ортой тусгай эмнэлэг байгуулах төсөвт аймгийн Засаг даргын нөөц сангаас 37 сая төгрөг зарцуулаад байна.
Цагийн байдалтай холбоотойгоор Ковидын тусгай эмнэлгийг нэмэгдүүлэх шаардлага үүсээд байгаа бөгөөд өнөөдрийн байдлаар 126 ортой эмнэлэг бэлэн боллоо. Тодруулбал, Халдвартын тасаг дахь 30 ор, 03.27-нд Хүүхдийн тасгийг чөлөөлж нэмэгдүүлсэн 32 ортой эмнэлэг, үүн дээр нэмээд ийнхүү 64 ортой эмнэлгийг байгуулаад байна.
Халдвартын болон хүүхдийн эмнэлгийн 62 ор нь хүнд, хүндэвтэр өвчтөнүүдээ авч эмчлэхээр тоноглосон ба Амбулаторийн хэсэгт дэлгэсэн 64 ор нь хөнгөнийг тусгаарлан эмчлэх хэсэг аж. Ийнхүү ялгаж эмчлэх, тоног төхөөрөмжийн хүртээмжийг зохицуулах зэрэг ажлыг зохион байгууллаа.
Уулзалтаар эмнэлэг нүүлгэн шилжүүлэх, халдвартын тусгай эмнэлэг байгуулах хариуцлагатай ажлыг гардан зохион байгуулсан Б.Оюунтүвшин даргатай Нэгдсэн эмнэлгийн нийт хамт олонд аймгийн удирдлагууд талархаж буйгаа илэрхийлэв.
Мөн энэ үеэр Нэгдсэн эмнэлгийн Амбулаторийн тасгийн нийт эмч, эмнэлгийн ажилтнууддаа АОК-оос дархлаа дэмжих бүтээгдэхүүн хүргүүллээ.

Leave a Reply

Your email address will not be published. Required fields are marked *