Архангай аймгийн Нэгдсэн эмнэлэгт “Эрүүл чийрэг эр хүн” өдөрлөг зохион байгууллаа.

Аймгийн Нэгдсэн эмнэлгийн Мэс заслын тасгаас санаачлан “Эрүүл чийрэг эр хүн” эрэгтэйчүүдийн өдөрлөгийг зохион байгууллаа.

Өдөрлөгийн арга хэмжээнд хүрэлцэн ирсэн иргэдэд “Эрэгтэйчүүдийн кабинет”-д үзүүлж байгаа эрүүл мэндийн тусламж үйлчилгээг танилцуулах, эрүүл зохистой хооллолт, эмчилгээний хоолны үзэсгэлэн гарган иргэдэд мэдээлэл хүргэлээ.

Мөн энэ үеэр НЭ-ийн эрэгтэйчүүдийн эмч, ЭМГ-ын НЭМ-ийн хэлтсийн мэргэжилтэн нар “Эрэгтэйчүүдийн эрүүл мэндийн тулгамдсан асуудал”, “Архи согтууруулах ундааны Эрүүл мэндэд үзүүлэх нөлөөлөл” сэдвүүдээр өдөрлөгт хүрэлцэн ирсэн иргэдэд мэдээлэл өгсөн.