📢”НЯЛХ, БАГА НАСНЫ ХҮҮХДИЙН ХҮҮХДИЙН ХООЛЛОЛТЫГ ГАМШГИЙН ҮЕИЙН АРГА ХЭМЖЭЭТЭЙ УЯЛДУУЛАХ НЬ” сургалтыг зохион байгууллаа.
Нийгмийн Эрүүл мэндийн үндэсний төвөөс Архангай аймгийн Эрүүл мэндийн газартай хамтран НҮБ-ын Хүүхдийн Сангийн санхүү, техникийн дэмжлэгтэйгээр Архангай аймгийн 19 сумын 100-400 малтай малчин өрхийн 5 хүртэлх насны хүүхэд, жирэмсэн болон хөхүүл хүүхэдтэй эхийг бичил тэжээлийн дутлаас сэргийлэх зорилгоор олон найрлагат бичил тэжээлийн бэлдмэл (ОНБТБ), А болон Д аминдэмээр хангах, мэргэжил арга зүйн дэмжлэг үзүүлэх, үр дүнд хяналт тавих ажлыг 2024 оны 3-р сараас эхлэн үе шаттайгаар зохион байгуулан ажиллаж байгаа билээ.
Энэхүү үйл ажиллагааг сум орон нутгийн эрүүл мэндийн байгууллагаар дамжуулан хэрэгжүүлж байгаа учир Архангай аймгийн 19 сум, 3 өрхийн эрүүл мэндийн төвийн хүүхдийн эмч, вакцинатор сувилагч нийт 40 гаруй эмч, мэргэжилтнүүдийг 2024 оны 04 дүгээр сарын 17-19-ны өдрүүдэд 16-59 сартай хүүхэд, жирэмсэн, хөхүүл эхийн хооллолт, ОНБТБ, А болон Д аминдэмийн хангамж, хэрэглээний талаар зөвлөгөө, мэдээллээр хангах, үр дүнд хяналт тавих, хүн амд чиглэсэн мэдээлэл, сурталчилгаа хийх чиглэлээр мэргэжил арга зүйн дэмжлэг үзүүлэх гурван өдрийн сургалтыг зохион байгууллаа.
Тус сургалтыг зохион байгуулах санхүү, техникийн дэмжлэг үзүүлсэн НҮБ-ын Хүүхдийн Сан UNICEF Mongolia ,сургагч багш Нийгмийн эрүүл мэндийн үндэсний төвийн Нийгмийн эрүүл мэндийн үндэсний төв Хоол судлалын албаны Эрдэм шинжилгээний ажилтан Д.Оюундэлгэр, Б.Байгалмаа нартаа талархал илэрхийлье.
