НҮБ-ын Хүн Амын Сангын дэмжлэгээр гамшгийн үед охид эмэгтэйчүүдэд дэмжлэг үзүүлэх зорилготой “Охид, эмэгтэйчүүдийн аюулгүй орон зай”-н өрөөг Архангай аймгийн Эрүүл мэндийн газарт нээлээ.
“Монгол дахь НҮБ-ын Хүн амын сангийн техникийн болон санхүүгийн дэмжлэгээр Гамшиг, онцгой байдлын үед болон жендэрт суурилсан хүчирхийлэлд өртөх эрсдэлтэй болон өртсөн эмэгтэйчүүд, охидод зориулсан аюулгүй орон зайг бий бүрдүүлж, тэднийг тайвшруулж илааршуулах, чадавхжуулах үйл ажиллагааг дэмжиж, нийгмийн хамгаалал, эрүүл мэндийн болон амьдрах ухааны тусламж үйлчилгээг хүртээмжтэй, чанартай үзүүлж, тэднийг мэдлэг мэдээлэлээр хангах, холбон зуучлах зорилго бүхий “Эмэгтэйчүүд, охидын аюулгүй орон зай” өрөөг Архангай аймагт Эрүүл мэндийн газрыг сонгон зохион байгууллаа.Тус өрөөний үйл ажиллагааны чиглэлийг танилцуулах нээлтийн үйл ажиллагааг 2024 оны 09 дүгээр сарын 23-ны өдөр Архангай аймгийн Эрүүл мэндийн газарт Эрдэнэбулган сумын зарим нийгмийн ажилтан болон нийгмийн эрүүл мэндийн холбогдох мэргэжилтэнүүдийг хамруулан зохион байгууллаа.Өсвөр үе, эмэгтэйчүүдийн эрүүл мэнд, нийгэм сэтгэл зүйн бүрэн бүтэн байдлын төлөө байнгын дэмжлэг үзүүлдэг “Монгол дахь НҮБ-ын Хүн Амын Сан”-ийн баг хамт олондоо талархал илэрхийлье.
